Роскомнадзор Telegram туфайли 1 миллиондан ортиқ IP-манзилни блоклади

Telegram мессенжери яратувчиси Павел Дуров Роскомнадзор томонидан блокланишни четлаб ўтиш учун бошқа ресурслардан фойдаланишга қарор қилганидан сўнг, 1 млн.дан ортиқ IP-манзиллар блокланди. Бу ҳақда «Ведомости» хабар бермоқда.

«Снаряд ва зирҳ кураши кетмоқда – биз мессенжерга кириб олиш мумкин бўлган IP-манзилларни топиб, уларни блокламоқдамиз. Аввалига у ўзининг тахминан 9 мингта IР-адресидан фойдаланди, биз уларни блокладик. Кейин улар Amazon тармоғи остига ўтишди (тахминан 600 000 IР), улар ҳам блокка туширилди. Ҳозир эса Telegram бошқа ресурс IР-манзилига ўтди (тахминан 540 000), улар ҳам яқин вақт ичида блокланади», - дея айтиб ўтди Роскомнадзор раҳбари Александр Жаров.

Эслатиб ўтамиз, аввалроқ Telegram асосчиси Павел Дуров Россияда мессенжерни блоклаш ҳақидаги қарорга изоҳ бериб, унинг оқибатларини санаб ўтганди.