Google ўз тармоғини прокси сифатида ишлатиш имкониятини ўчириб қўйди

Google компанияларга ўз тармоғини прокси сифатида ишлатишни тақиқлади. Бу ҳақда The Verge Google баёнотига асосан ёзмоқда.

Аввал сервислар Google’дан прокси-сервис сифатида фойдаланиши мумкин эди: трафикни Google.com домени орқали ўз серверларига қайта юбориши. Бу компанияларга давлат томонидан блокланишни четлаб ўтиш имконини берган.

Ўзгаришлар илк марта Tor тармоғи ишлаб чиқувчилари томонидан 13 апрель куни пайқалди. Google’нинг доменли фронтингдан воз кечиши сервисларга зарар етказади, сабаби у давлат цензурасини четлаб ўтишда кўмак берарди: жумладан Signal ҳимояланган мессенжери ва Psiphon VPN-сервисига, дея таъкидлайди The Verge.

Google’дан айтишларича, компания дастурий таъминоти ўзига хос жиҳатлари туфайли очиқ бўлган domain-fronting функциясини қўллаб-қувватламаган, ҳамда унинг ишини тиклашни режалаштирмаяпти.