Фото: Reuters
АҚШ президенти Дональд Трамп ва Шимолий Корея етакчиси Ким Чен Ин Мўғулистонда учрашув ўтказиши мумкин. Бу ҳақда «Известия» ўз манбаларига асосан ёзмоқда.
Нашр маълумотларига кўра, учрашув Мўғулистоннинг ҳам АҚШ, ҳам Шимолий Корея билан дўстона муносабатлари туфайли Улан-Баторда бўлиб ўтиши мумкин.
Шу билан бирга, ҳар икки томон билан муносабатларни бир хилда ушлаб турган яна бир давлат Сингапур саналади. Ушбу мамлакат ҳам икки етакчи учрашув ўтказиши мумкин бўлган эҳтимолий жойлар «шорт лист»ига киради.
Эслатиб ўтамиз, аввалроқ Жанубий Кореяга ташриф вақтида Ким Чен Ин автомобилига 12 нафар югураётган қўриқчи ҳамроҳлик қилгани хабар берилганди.
