Афғонистон қуролли кучлари сони бир йилда 11 фоизга қисқарди

Афғонистон Миллий қуролли кучлари сони бир йил давомида 11 фоизга қисқарди. Бу “Толибон” радикал ҳаракати томонидан мамлакатдаги янги округларнинг эгаллаб олиниши фонида юз берди. Бундан Афғонистонни тиклаш бўйича АҚШ махсус бош инспектори ҳисоботи дарак беряпти.

"Афғонистондаги Америка Қуролли кучларининг ҳисоботига кўра, Миллий қуролли кучлар ҳозирги сони 296 409 кишини ташкил этяпти. Бу рақам қуролли кучлар сони ўтган йилнинг шу даври билан таққослаганда кескин тушиб кетганини англатади. Умуман олганда, 35 999 кишига қисқарган", - дейилади ҳисоботда.

Ҳужжатда таъкидланишича, айни дамда мамлакатдаги округларнинг 14,5 фоизи толиблар назорати остида турибди. Бу Афғонистонни тиклаш бўйича АҚШ махсус бош инспектори ҳисоботи тарихидаги рекорд фоиз.