Маҳмуд Аббос Фаластинни озод қилиш ташкилоти раҳбари этиб қайта сайланди

Фото: REUTERS

Фаластин президенти Маҳмуд Аббос Фаластинни озод қилиш ташкилоти ижроия қўмитаси раиси этиб расман қайта сайланди. Бу ҳақда Reuters хабар берди.

Хабарда айтилишича, Аббос Рамаллоҳда тўрт кун давом этган Фаластин миллий кенгаши учрашуви якунлари бўйича ташкилот ижроия қўмитаси раиси этиб қайта тайинланди. Шунингдек, учрашув давомида ташкилотдаги олий орган ҳисобланувчи қўмитанинг бошқа аъзолари ҳам тайинланган.

Эслатиб ўтамиз, аввалроқ Фаластин етакчиси Маҳмуд Аббос Қўшма Штатларнинг Исроилдаги элчисини Иордан ғарбий соҳилидаги яҳудийлар турар-жойларини қўллаб-қувватлагани учун «ит боласи» деб атаганди.

Тайёрлаган: Отабек Матназаров

#Фаластин #Маҳмуд Аббос