«Барселона» Гризманн трансферини жаҳон чемпионатигача эълон қилмоқчи

«Барселона» яқин ҳафталар ичида Франция терма жамоаси аъзоси Антуан Гризманн трансфери борасидаги ишларни якунламоқчи.

As нашри хабарига кўра, каталонлар клуби хўжайинлари Мадриднинг «Атлетико» клубидан Гризманн трансферини Россиядаги жаҳон чемпионати стартигача (14 июня – 15 июля) эълон қилишни режалаштирган.

27 ёшли ушбу футболчининг «Атлетико» билан шартномаси 2022 йил ёзига қадар тузилган. 2017/18 йилги мавсумда Гризманн жамоасида барча турнирлар доирасида 47 ўйинда майдонга тушган ва 29 гол урган.

Айни вақтда ушбу трансферга ягона тўсиқ – Гризманнинг ўзи бўлиши мумкин. Агар у «Барселона» билан шартнома тузиш фикридан қайтса, 20 млн евро миқдоридаги жаримани тўлаши керак бўлади. Бу томонлар ўртасида тузилган дастлабки келишув бандларидан биридир.

«Барселона» Гризманн учун «Атлетико»га яхши муносабатларни сақлаб қолиш учун 115 млн евро тўламоқчи (мадридликларнинг футболчи билан шартномасида 100 миллион евро миқдорида товон пули тўланган).