Маск янги Tesla’ни янада яхшилашга ваъда берди

Tesla компанияси асосчиси Илон Маск Model 3 хусусиятларини яхшилашга ваъда берди, бу электрокарнинг тормоз олиш йўли бўйича салбий фикрлар сабаб амалга ошади, деб ёзмоқда The Verge.

Портал маълумотларига кўра, Consumer Reports журнали экспертлари Tesla Model 3 тест-драйвидан сўнг, улар электромобилни тормоз олиш тизимидаги муаммолар сабабли сотиб олишга тавсия эта олишмаслигини маълум қилишган.

Таъкидланишича, янги Tesla’нинг тормоз олиш йўли соатига 97 километр тезликда 46 метрни ташкил этади. Экспертларнинг сўзларига кўра, бу кўрсаткичлар шундай нарх тоифасидаги бошқа автомобиллардан анча ёмондир.

Шу билан бирга, Маск рецензия эълон қилингач, компания электрокардаги бу муаммони дастурий таъминотни янгилаш ёрдамида ҳал қилиши мумкинлигини маълум қилди.

Шунингдек, Tesla асосчиси экспертларни электромобилни яна бир бор тестдан ўтказишга чақирган. Маскнинг фикрича, портал журналистларига электрокарнинг энг биринчи версияларидан бири тушиб қолган. 

Эслатиб ўтамиз, аввалроқ Илон Маск The Boring Company томонидан қурилган туннель бўйлаб сафар қилиш қанчага тушишини айтганди.