Пентагоннинг АҚШ - КХДР музокараларидаги ўрни айтилди

Фото: AP Photo/Yong Teck Lim

Пентагон раҳбари Жеймс Мэттис Америка ва Шимолий Корея томонининг музокаралари доирасида ўз маҳкамаси қандай вазифага эга эканини билдирди. У бу ҳақда Сингапурдаги «Шангри-ла диалог» хавфсизлик масалалари бўйича конференцияда айтиб ўтди, деб хабар қилмоқда Associated Press.

Мэттиснинг маълум қилишича, Пентагон «мудофаани ушлайди» ва «Корея ярим оролининг бутунлай, ишончли ҳамда ортга қайтариб бўлмайдиган ядросизланиши»ни таъминлаш учун дипломатик саъй-ҳаракатларни қўллаб-қувватлайди.

Жума, 1 июнь куни АҚШ президенти Дональд Трамп КХДР етакчиси Ким Чен Ин билан Сингапурда 12 июнь куни учрашишга тайёр экани ҳақида маълум қилди. У Пхеньян вакили Шимолий Корея етакчисидан мактуб тақдим этгач, шундай баёнот билан чиқди.

Эслатиб ўтамиз, аввалроқ Трампни «Ал-Қоида» етакчиси билан таққослашганди.