Сербия президенти Александр Вучичнинг маълум қилишича, агарда Сербия Қримни Россиянинг бир қисми сифатида тан олганида, бу Косово мустақиллигини қўллаб-қувватлаш, деб ҳисобланарди. Бу ҳақда у Франциянинг Monde нашрига берган интервьюсида айтиб ўтди.
«Агарда биз буни қилганимизда, бу биз Косово мустақиллигини қўллаб-қувватлашимизни англатган бўларди. Бироқ, ўзингизни бизнинг ўрнимизга қўйиб кўринг. БМТ Хавфсизлик кенгаши доимий аъзоларидан қайси бири бизнинг ҳудудий яхлитлигимизни қўллаб-қувватламоқда. Россия. Биз ўзимизнинг оёғимизга ўқ узишимиз мумкин эдими?» - деган Вучич.
Сербия президентининг таъкидлашича, мамлакат ҳукумати 2014 йилда Россияга санкцияларга қарши чиққан. Бироқ, Белград Европа амбициялари ҳақида маълум қилмоқда, аммо агарда Сербия ўшанда Евроиттифоқ бир қисми бўлганида, унда у ягона ташқи сиёсат бўйича ўзининг мажбуриятларини бажарар эди, дея қўшимча қилиб ўтган у.
Вучичнинг билдиришича, Россия билан муносабатлар беш-олти йилдан сўнг бутунлай ўзгариши мумкин. Унинг таъкидлашича, Белграднинг евроинтеграцияси ва Москва билан яхши муносабатлар бир-бирига зид эмас.
Эслатиб ўтамиз, аввалроқ Украина вазири Москвани ёқиб юборишга чақирганди.
