Ukraina infratuzilmalar vaziri Vladimir Omelyan «Moskvani yoqib yuborishga» chaqirdi, deb xabar bermoqda RIA «Novosti».
Omelyan feysbukdagi o‘z sahifasida Rossiyani «yovvoyilar imperiyasi» deb atagan.
Uning so‘zlariga ko‘ra, yovvoyilarning maqsadi «zabt eta olmaydigan, tushunmaydigan, o‘g‘irlashning imkonini topa olmaydigan barcha narsani» buzib tashlashdir.
Shuningdek, u «g‘arbdagi alohida siyosatchilarni» Rossiya bilan yaxshi munosabatlarni saqlab qolishda davom etayotganlikda ayblagan.
«Kreml va Moskvani o‘zgartirish yoki qayta tarbiyalash mumkin emas - faqat yoqib yuborish kerak», - deya yozgan Omelyan.
Eslatib o‘tamiz, avvalroq Ukraina Oliy radasi deputati Igor Mosiychuk Kerch bo‘g‘ozi orqali o‘tgan Qrim ko‘prigini yo‘q qilish kerakligini ma'lum qilgandi.
