Трамп ва Ким Чен Ин имзолаган ҳужжат сурати пайдо бўлди
Твиттерда АҚШ президенти Дональд Трамп ва КХДР олий раҳбари Ким Чен Ин саммитдан сўнг имзолаган якуний ҳужжат сурати пайдо бўлди. Фото ABC журналисти Конор Финнеган томонидан эълон қилинган.
Етакчиларнинг қўшма баёнотида айтилишича, улар ўзаро чуқур ва самимий фикр алмашишган. Шунингдек, унда Пхеньяннинг ядросизланиш тарафдори экани таъкидланади.
Бундан ташқари, баёнотда тўртта банд бор, уларда томонларнинг кейинги қадамлари акс этган. Улардан биринчисида ҳар икки давлатнинг янги муносабатларни ўрнатишга содиқлиги қайд этилади.
«Қўшма Штатлар ва КХДР Корея ярим оролида узоқ ва барқарор тинч режимини қуриш учун саъй-ҳаракатларни бирлаштиради», - дейилади иккинчи бандда.
Учинчи ва тўртинчи бандда ярим оролнинг ядросизланиши ҳамда Шимолий Корея ҳудудида америкалик ҳарбийлар жасад қолдиқларини қидириш ҳақида сўз юритилган.
Сешанба, 12 июнь куни, Сингапурда АҚШ - Шимолий Корея саммити бўлиб ўтди. Давлатлар етакчилари Сентос оролидаги «Капелла» меҳмонхонасида якуний ҳужжатни имзолашди, уни Трамп ва Ким Чен Ин «атрофлича», деб атади.
Эслатиб ўтамиз, аввалроқ Трамп Ким Чен Инга ўзининг лимузинини кўрсатганди.
Мавзуга оид
20:44 / 04.10.2024
Ким Чен Ин Шимолий Кореяга ҳужум қилинса, ядро қуролидан фойдаланиш билан таҳдид қилди
16:17 / 04.10.2024
Ярим асрда биринчи марта: Сингапурда собиқ вазир пора олгани учун қамалди
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
14:33 / 10.09.2024