Трамп Ким Чен Ин билан учрашувга баҳо берди

Фото: AFP/ SAUL LOEB

АҚШ президенти Дональд Трампнинг маълум қилишича, Сингапурга Шимолий Корея етакчиси Ким Чен Ин билан учрашиш мақсадида «ҳақиқатдан ҳам ажойиб» ташрифни амалга оширган. Бу ҳақда у твиттердаги саҳифасида ёзди.

«Шимолий Кореяни ядросизлантириш бўйича жуда катта ўзгаришга эришилди», - дея ёзган Трамп.

Шунингдек, унинг маълум қилишича, КХДР ҳукумати Шимолий Кореяда сақланган асирларни ўз юртига қўйиб юбориш ҳақида қарор қабул қилган.

Трампнинг сўзларига кўра, Ким Чен Ин ўз давлати учун «ажойиб нарсаларни» хоҳламоқда. Президент қўшимча қилишича, Шимолий Корея етакчиси жасурдир, чунки фақат шундай инсонларгина урушни якунлаш ҳақида қарор қабул қилиши мумкин.

Эслатиб ўтамиз, аввалроқ Трамп ва Ким Чен Ин бир-бирининг таклифига рози бўлгани хабар берилганди.