Фото: Alamy Stock
13 июнь куни Самарқанд шаҳрида номаълум шахс “Мармар” деҳқон бозори олдида Паст Дарғом туманида яшовчи З.Н. исмли аёлга хорижий валютадаги пулларини Самарқанд шаҳар темирйўл вокзали олдида жойлашган банкда сўмга алмаштириб беришини айтиб, биргаликда йўловчи такси автомашинасига ўтиради.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, Гагарин кўчасига етиб келганларида номаълум шахс З.Н.нинг қўлидан ичида 6 000 АҚШ доллари, 200 минг сўм пули, заргарлик буюми ва фуқаролик паспорти бўлган сумкасини тортиб олиб, автомашинадан тушиб воқеа жойидан қочиб кетган.
Кўрилган чоралар натижасида ушбу жиноятни Саттепо масканида яшовчи Ф.Б. содир этганлиги аниқланиб, ушланган.
