Ўзбекистон Россиядан пул ўтказмалари бўйича МДҲ мамлакатлари орасида етакчилик қиляпти

Фото: РИА Новости

Ўзбекистон МДҲ мамлакатлари орасида Россиядан пул ўтказмалари бўйича етакчиликни сақлаб турибди. Бундан Россия Марказий банки маълумотлари дарак беряпти.

2018 йилнинг биринчи чорагида Россиядан Ўзбекистонга 726 млн доллар ўтказилган, улардан Россия фуқаролари томонидан фақат 200 млн доллари жўнатилган бўлса, қолган 525 млн доллар норезидентлар ҳиссасига тўғри келди. Бир ўтказманинг ўртача миқдори 314 долларни ташкил қилди.

Тожикистонга 487 миллион доллар, Қирғизистонга 434 миллион доллар, Арманистонга 209 миллион доллар жўнатилди. Энг кўпи - 1,7 миллиард доллар Россиядан Швейцарияга ўтказилган.

Худди шу даврда Ўзбекистондан Россияга 103 млн доллар юборилган. Ўртача ўтказма миқдори 1 минг долларни ташкил этди.