Россия етакчиси Владимир Путин ва АҚШ президенти Дональд Трампнинг музокаралари учун эҳтимолий жой сифатида Финляндия, Австрия ҳамда Швейцария вариантлари кўриб чиқилмоқда. Сиёсий таҳлилчи Станислав Бишок шундай баёнот берди.
Айнан шу уч давлатдан бирида Путин ва Трампнинг учрашуви ташкиллаштирилиши мумкин, қолган давлатлар уларга бу ишда рақобат туғдира олмайди, сабаби Москвага нисбатан салбий позициядадир. Бишокнинг фикрича, Путин ва Трампни кўпроқ Вена ҳамда Хельсинки ўзида қабул қилиши мумкин. Женевани ҳам эътибордан четда қолдириш керак эмас. Қолган давлатлар бу миссия учун тўғри келмайди.
Бишокнинг сўзларига кўра, Финляндия, Австрия ва Швейцария Россия ҳамда АҚШга «бирдек» муносабатда. Таҳлилчининг фикрича, аслида ҳам шундай. Бошқа давлат пойтахтлари Путин ва Трампнинг учрашувини ташкиллаштиришга даъвогарлик қила олмайди, сабаби улар ўз манфаати йўлида ҳаракат қилади.
