Ер ости сувларидан ўзбошимчалик билан сув олиш учун маъмурий жавобгарлик кучайтирилмоқда
Ўзбекистонда суғориладиган ерларда содир этилган ер қонунчилиги бузилиши ҳолатларига табақалаштирилган жарима санкциялари белгиланмоқда. Бу ҳақда Олий Мажлис Сенатининг ўн бешинчи ялпи мажлисида маъқулланган «Ўзбекистон Республикасининг айрим қонун хужжатларига ўзгартиш ва қўшимчалар киритиш тўғрисида»ги Ўзбекистон Республикаси қонунида шундай дейилган.
Kun.uz мухбирининг хабар беришича, ерлардан хўжасизларча фойдаланиш ёки уларни яроқсиз ҳолга тушириш, яъни ерга эгалик қилувчилар, ердан фойдаланувчилар ва ижарачилар томонидан ер участкасида суғориладиган ерларни яхшилаш ҳамда муҳофаза қилиш, шу жумладан ерлардан мақсадли, оқилона фойдаланилишини, тупроқнинг қайта тикланишини ва ҳосилдорлиги оширилишини таъминлаш бўйича мажбуриятларнинг бажарилмаслиги учун маъмурий жавобгарлик кучайтирилмоқда.
Ўтказилган инвентаризация маълумотларига кўра 50 фоиздан кўп, айрим вилоятларда эса 75 фоизгача сувдан фойдаланувчилар сувдан махсус фойдаланиш ва сувга қудуқларни бурғилаш учун рухсат олишмаган. Натижада ушбу ҳуқуқбузарлар томонидан ер остидан олинаётган сув захираларининг ҳисоб-китоби йўқ ва улар томонидан Давлат геология қўмитасининг гидро-геологик станцияларига тегишли ҳисоботлар тақдим этилмай келинмоқда.
Шу сабабли, сувдан фойдаланиш ва сув истеъмоли қоидаларини бузиш, яъни ер ости сувли қатламларидан олинадиган сувдан фойдаланиш ва сув истеъмоли қоидаларини, ер ости сувли қатламларидан сув олиш лимитларини бузиш, ер ости сувларидан ўзбошимчалик билан сув олиш учун маъмурий жавобгарлик кучайтирилмоқда.
Мавзуга оид
12:44 / 28.09.2024
Ҳар 100 та сўз учун ярим литр сув. Сунъий интеллект чатботлари жиддий экологик муаммоларни юзага келтирадими?
09:20 / 09.09.2024
Сув ҳавзаларида моторли транспорт воситалари ҳаракатига рухсат берилади
12:22 / 06.09.2024
Португалия сув ресурслари барқарорлигига сармоя киритишга чақирмоқда
09:02 / 03.09.2024