Қонунчиликка киритилган янги нормага мувофиқ, замонавий сув тежовчи технологиялардан фойдаланадиган саноатлашган боғлар учун қудуқ сувидан фойдаланиш бўйича солиқ имтиёзи жорий этилди.
Унга кўра, мазкур тоифадаги боғларда бурғиланган қудуқлардан олинган сув ресурсларидан фойдаланганлик учун солиқ ставкаси беш йил давомида рамзий равишда 1 сўм этиб белгиланади.
Мазкур имтиёз сув ресурсларидан оқилона фойдаланишни рағбатлантириш, сув тежовчи технологияларни кенг жорий этиш ҳамда қишлоқ хўжалигида сув сарфини қисқартиришга қаратилган.
