Буюк Британия қироличаси Елизавета II тиззасида ўтказилиши керак бўлган жарроҳлик амалиётидан бош тортди. У бундай қарорга қабуллар жадвалини бузмаслик учун келган.
The Sun нашрининг ёзишича, 92 ёшли қиролича охирги вақт стулдан қийинчилик билан турмоқда ва шифокорлар унга жарроҳлик амалиётини буюришган. Бироқ у белгиланган тадбирларни бекор қилишни ва ўзининг бетоблиги атрофида “шов-шув кўтарилишини” истамаган.
Май ойида қироличанинг кўзидан катаракта олиб ташланган, шу сабабли у қабулларга қора кўзойнакда ташриф буюрган.
Аввалроқ 28 июнда Британия ҳукумати қироличанинг ўлимига тайёр туриш кўзда тутилган махфий репетиция ўтказгани маълум қилинганди.
