Фото: Reuters
"Реал Мадрид" ҳужумчиси Криштиану Роналдунинг агенти Жорже Мендеш ўз мижози мадридликлар сафини қандай сабабга кўра тарк этиши мумкинлигини айтди.
"Агарда Роналду "Реал"дан кетса, у бутун умр клубдан, унинг президенти, барча жамоадошларидан, тиббиёт штабидан, шунингдек, Мадриддаги ва бутун дунёдаги мухлислардан миннатдор бўлиб қолади. У "Реал"дан фақатгина ёрқин фаолиятидаги янги чақирув учун кетиши мумкин", – дея Мендешнинг сўзларидан иқтибос келтиради Record.
Аввалроқ "Ювентус" Роналдунинг трансфери ҳақида 7 июль куни эълон қилиши ҳақида хабар берилган эди.
