14 июль куни Исаяс Афверки уч кунлик расмий ташриф билан Эфиопияга етиб келди. Маҳаллий Эфиопия телеканалларида унинг «уруш ҳолати»ни бекор қилгани ҳақидаги баёноти кўрсатилган.
Президентни аэропортда Эфиопия Бош вазири Абий Аҳмад кутиб олган. Раҳбарлар қучоқ очиб, бир-бирини олқишлагани марказий телеканаллар орқали намойиш этилди. Шундан сўнг, икки давлат расмий вакиллари кенгайтирилган тартибда ўтказилган йиғилишда чегаравий можароларга барҳам беришга келишиб олган.
