Университет хабарига кўра, Jetson ONE полиция ходимларига оддий патрул автомобилида бориш қийин бўлган жойларга етиб олиш имконини бериши кутилмоқда. «Учар электромобил» деб таърифланаётган бу техника учувчи бошқарадиган электр летател аппаратидир.
Калифорнияда жойлашган Jetson компанияси аппаратни олиш учун уч йиллик навбат мавжуд бўлишига қарамай, университет буюртмасини бажаришни тезлаштирган.
Компания бош директори Стефан Дʼхаененинг айтишича, университетнинг муҳандисликка ихтисослашгани ва жамоат хавфсизлиги соҳасидаги вазифалари лойиҳани устувор деб белгилашга асос бўлган.
Jetson шу пайтгача асосан ҳордиқ чиқариш мақсадида парвоз қилувчи харидорларга эътибор қаратиб келган. Энди компания техникасидан амалий вазифаларда фойдаланиш имкониятларини ҳам ўрганмоқчи. Университет полицияси билан лойиҳа аппаратнинг хизмат шароитидаги имкониятларини баҳолашга ёрдам бериши кутилмоқда.
Jetson ONE саккизта электр двигатели билан жиҳозланган. Ишлаб чиқарувчи маълумотига кўра, у соатига 100 километргача тезликда уча олади ва ҳавода тахминан 20 дақиқа қолиши мумкин.
Аппаратнинг аккумуляторлар билан бирга оғирлиги қарийб 115 килограммни ташкил этади. Унда баллистик парашют ва автоматик қўниш функцияси ҳам мавжуд.
Лойиҳа шахсий электр учиш аппаратларидан кўнгилочар парвозлардан ташқари, патруллик ва фавқулодда вазиятларга жавоб бериш каби вазифаларда фойдаланиш имкониятини синаб кўришга қаратилган.
