«220 Вольт» электр жиҳозлари ва маҳсулотлари ритейлери янги шаклдаги контейнер-дўконларни синовдан ўтказмоқда.
Ҳозирда ритейлер Москва ва Санкт-Петербургда биттадан ана шундай дўконлар ташкил қилди. Компания 2019 йилга келиб 20та дўкон очмоқчи. «220 Вольт» бундай контейнер-дўконларни қурилишлар олиб борилаётган ҳудудлар, узоқ туманлар, кўргазма ва тадбирлар ҳамда дўкон очиш имконияти йўқ жойларда ташкил этишни режалаштирган.
Майдони 30 квадрат метрга яқин контейнерлар тахминан 600 номдаги маҳсулотни жойлаштиришга мўлжалланган. Битта контейнерни таъмирлаш ва жиҳозлаш учун 600-700 минг рубль кетади. Маҳсулотлар учун яна 1 миллион рублга яқин пул сарфланади.
Озгина маблағи бор ва талаб юқори бўлган «нуқта»ларни билганлар учун бу бизнес жуда даромадли бўлиши мумкин. Дўкон учун харажат жуда оз бўлиб, савдо юришмаса бошқа жойга кўчириш мумкин.
Компания вакилининг айтишича, бошқа шаклдаги, жумладан, чодир кўринишидаги, ғилдиракли дўконлар варианти кўриб чиқилган, лекин охирида контейнер маъқул деб топилган.
