Сурхондарё вилояти ҳокимига ўринбосар тайинланди. У Бош прокуратурада бошқарма бошлиғи бўлган

Сурхондарё вилояти ҳокимининг қишлоқ ва сув хўжалиги масалалари бўйича ўринбосари лавозимига янги тайинлов амалга оширилди. Бу ҳақда вилоят ҳокимлиги матбуот хизмати хабар берди. 

Қайд этилишича, ушбу вазифада ишлаб келаётган Олим Бобоқулович Муҳаммадиев бошқа ишга ўтганлиги муносабати билан лавозимидан озод этилди.

Шу кунга қадар Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат таъминланиши устидан назорат қилиш инспекциясида бошқарма бошлиғи вазифасида ишлаб келаётган Улуғбек Абдумуталович Ахунов вилоят ҳокимининг қишлоқ ва сув хўжалиги масалалари бўйича ўринбосари этиб тайинланди.