Интернетда iPhone янги моделининг суратлари пайдо бўлди

Латвиялик дизайнер Вениамин Гескин Twitter саҳифасида эълон қилган суратларда iPhone’нинг янги модели тасвирланган деб тахмин қилинмоқда.

Суратларда 6,5 дюйм экранли iPhone X Plus ва 6,1 дюйм экранли iPhone намойиш этилган. Дизайнер тақдим этган прототиплар илгариги концептларга жуда ўхшаб кетади.

Суратлардан англаш мумкинки, смартфоннинг Plus-талқинида қўш камера бўлади. Бундан ташқари, прототипларда бармоқ излари сканери йўқ.

Вениамин Гескин IT-бозордаги хабарлар асосида чиқиши кутилаётган гаджетлар эскизларини чизади. Дизайнер iPhone X’нинг аслига жуда яқин прототипни чизганди.

Apple ўзининг янги моделини сентябрда тақдим этиши кутилмоқда.