ФВВда ўзгариш. Вазирга янги ўринбосар тайинланди

Фавқулодда вазиятлар вазирига янги ўринбосар тайинланди. Бу ҳақдаги маълумотни вазирлик матбуот хизмати Kun.uz’га тасдиқлади.

Қайд этилишича, Ўзбекистон Республикаси президентининг 3890-сонли қарорига мувофиқ, Шуҳрат Хўжамбердиевич Жўраев Ўзбекистон фавқулодда вазиятлар вазирининг қурилиш ва муҳандислик муҳофаза ишлар бўйича ўринбосари лавозимини эгаллади.

Ш. Жўраев 1968 йилда Жиззах вилоятининг Ғаллаорол туманида туғилган. У вазирлик жамоасига бугун таништирилган, подполковник унвонига эга.

Маълумот учун: Шуҳрат Жўраев бундан аввал Жиззах вилояти ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимида ишлаган.