Трамп сайловолди штаби собиқ раҳбарини Аль Капоне билан тенглаштирди

Президент Дональд Трампнинг маълум қилишича, одамлар унинг сайловолди штаби собиқ раҳбари Пол Манафортга гангстер Аль Капонедан ҳам ёмон муносабатда бўлишмоқда. Бу ҳақда у твиттердаги ўз саҳифасида ёзган.

«Тарихга бир назар ташлайлик. Кимга ёмонроқ муносабатда бўлишган? Жиноий гуруҳнинг афсонавий етакчиси, қотил ва «жамиятнинг биринчи рақамли душмани» Альфонсе Капонегами ёки Рейган ҳамда Доулнинг ёқимтойи, сиёсий технолог, ҳозир ҳеч нарсада айбдор деб топилган бўлса-да бир кишилик камерада сақланаётган Пол Манафортгами?» - деб ёзган у.

Аввалроқ, Доналд Трамп твиттердаги саҳифасида сайловолди штаби собиқ раҳбари Пол Манафортнинг иши «руслар аралашуви» бўйича суриштирувларга алоқадор эмаслигини маълум қилганди.