Novate журнали ўз мақоласида аввал бошқарилган ҳамда энг тез занглайдиган олтита автомобиль ҳақида маълумот берди.
Журнал версиясига кўра, энг тез занглайдиган автомобилга «Волга» айланди. Ҳозирги вақтда бундай автомобиллар камдан-кам учрайди, лекин 2000-йилларнинг бошларида талаб катта эди. «Волга» корпуси ёмон сифатли металлдан қилинган, шунинг учун автомобиль бир неча йиллардан кейин занглаб кетади.
Иккинчи ўринда - 2007-2014 йилларда ишлаб чиқарилган Ford Mondeo. Novate’нинг ёзишича, бу автомобилда кузов жуда тез ёмон ҳолатга келиб қолади, айниқса, узоқ вақт совуқ об-ҳаво кузатилувчи ва йўлларга туз сепиладиган минтақаларда.
Учинчи ўринни 1998-2004 йилларда чиқарилган Opel Astra эгаллади. Журналнинг ёзишича, машина жуда заиф завод кузовига эга. Автомобиль эгаси автомобилга тўғри қарамаса, унда у бир неча йил давомида занглаб кетади.
Журнал УАЗ Патриот’ни тўртинчи ўринга лойиқ топди. Автомобиль коррозияга қарши яхши қоплама билан мақтана олмайди, шу сабабдан унинг кузови жуда қисқа вақт ичида занг билан қопланади.
Бешинчи ўринни, Novate талқинига кўра, 1995-2006 йилларда ишлаб чиқарилган Nissan Almera эгаллади. Юқори ишончлилигига қарамасдан, автомобиль эшиклар, капот қопқоқлари ва багажникда тез занг пайдо бўлиши билан ажралиб туради. Баъзи ҳолларда, багажникнинг устки қисми 2-3 йилда бутунлай чириб кетган.
