Бельгиянинг Гент шаҳри портида полиция тахминан икки тонна кокаинни ушлаб қолди. Бу ҳақда VRT телеканали хабар берди. Тезкор суратга олиш кадрларида ичида гиёҳванд модда бўлган брикетларда «Единая Россия» партиясининг логотипини кўриш мумкин, аммо журналистлар бунга эътибор бермадилар.
Таъкидланишича, бу Гент портида қўлга киритилган гиёҳванд моддаларнинг энг катта партиясидир. У 21 август куни полиция томонидан топилган. Кокаин Бразилиядан келган кемадаги учта контейнерда яшириб қўйилган бўлган. Гиёҳванд моддалар 1900та брикетга қадоқланган.
Шарқий Фландерс федерал суд полициясидан маълум қилишларича, бу молнинг умумий қиймати 100 миллион еврога баҳоланмоқда.
Бельгияда рекорд даражадаги кокаин партияси топилганидан сўнг, мамлакат прокуратураси жиноят ишини очди. Ҳозирги вақтда ҳуқуқ-тартибот идоралари етказиб бериш канали ким томонидан ташкиллаштирилганини аниқлашга ҳаракат қилмоқда.
