Фото: Ҳасан Пирмуҳаммедов
Ўзбекистон миллий кураш спорти жамоасининг 2 нафар вакили Осиё ўйинлари ярим финалида гиламга чиқди.
-52 кг вазн тоифасида иштирок этаётган Гулнора Сулаймонова ярим финалда ҳиндистонлик Ядҳав Малапрабҳа Яллаппага қарши гиламга чиқиб, 10:0 ҳисобида ғалаба қозонди.
Шу вазн тоифасидаги Ойсулув Абдумажидова эса ҳиндистонлик Пински Балҳара билан беллашиб, 0:3 ҳисобида ютқазди. Энди у Осиё ўйинлари бронза медали билан кифояланадиган бўлди.
Энди финалда Гулнора Сулаймонова Пински Балҳара билан олтин медал учун курашади.
