Engelberg дераза ром тизимини сотиб олганингизда нима учун пул тўлайсиз?
Премиум-класс ромларнинг оддий ромлардан фарқи нимада? Швейцариянинг Engelberg компанияси мутахассислари қиммат ромларини харид қилганлар пул маблағларини нимада тежашлари тўғрисида сўзлаб берадилар.
Фойдаланиш жараёнида шамол ва ҳарорат таъсири натижасида ром шакли ўзгариши мумкин. Аксарият ҳолларда ромларни тузатиш учун олдин уларни ечиб олиш керак. Монтаж-демонтаж ишлари эса кичик ҳажмдаги таъмирлаш иши бўлиб, чанг, монтаж кўпиги, девордаги дераза ўрнидаги тешикларни беркитиш кабилардан иборат бўлади. Бунга ойналарни тузатиб, ўрнига ўрнатгунча вақт, шунингдек режадан ташқари вақт ва маблағларнинг сарфланиши – сизни қувонтирмайди, албатта.
Engelberg премиум-класс дераза ромлари эгалари бундай фавқулодда ҳодисалардан холи. Улар атиги бир марта пул тўлаб, ойналардан муаммоларсиз кўп йиллар давомида фойдаланадилар. Фойдаланилган материаллар ва сифатнинг алоҳида стандартларидаги фарқ:
- Ташқи деворларининг қалинлиги 2,8 мм дан ортиқ бўлган «А» синфи профили. Оддий ромларнинг мазкур кўрсаткичи пастроқ бўлади. Профил қанчалик кенг бўлса, шунчалик конструкция мустаҳкам бўлади, бурчаклардаги пайвандлаш чоки қалинроқ, маҳкамланган жойлар ва хизмат муддати ишончлироқ бўлади.
- Премиум-хомашё. Engelberg ойналарида ЭДПМ-каучукдан тайёрланган резина зичлагич қўлланилган бўлиб, улар иқлимнинг ҳар қандай ўзгаришига чидамли. Бундай резина зичлагичлар уйингизни кўп йиллар давомида чанг, шовқин ва намликдан ҳимоя қилади, фурнитура хизмат муддатини узайтиради.
- Кўп камералилик. Ойнанинг камералари қанча кўп бўлса, у хонадаги микро иқлимни шунчалик узоқ сақлаб туради, шунингдек ташқи шовқинлардан холи қилади. Сизга ҳам жазирама иссиқ, ҳам совуқ, ҳам кўчадаги шовқинлар халал бермайди, ёпиқ ойналар ортида нима бўлаётганини қўшнилар билиши шарт эмас.
- Туташтирилган металл-асос. Engelberg профилининг ички қисмида йўғонлиги 2 мм бўлган пўлат металлдан тайёрланган кучайтиргич ўтказилган. У ойнани шамолнинг шиддати, юқори юкламалар ва ҳароратнинг кескин ўзгаришларига чидамли, турғун қилади. Бундай ойналар таъмирлашни талаб қилмасдан, 50-80 йил хизмат қилади.
