Туркиялик чегарачилар Грузия-Туркия чегарасидаги “Сарпи” ўтказиш пунктида 24 ёшли грузияликнинг чамадонида бир қизни аниқлашган. Бу ҳақда турк манбаларига иқтибос келтирган ҳолда Грузия ОАВ хабар берган.
Чегарачиларда грузияликнинг катта қора чамадони шубҳа уйғотган. Улар чамадонни очишни талаб қилишган ва унинг ичида 27 ёшли ўзбекистонлик аёлни аниқлашган. Аёл Туркияга кириши тақиқлангани сабабли у ерга шу йўл билан ўтишга қарор қилган.
Эркак ва аёл ушланиб, уларга қарши жиноий иш қўзғатилган.
