Россия: АҚШ Европага жиддий босим ўтказмоқда

Фото: Francois Lenoir/Reuters

Россия ташқи ишлар вазирининг ўринбосари Александр Грушко сўзларига кўра, Америка Қўшма Штатлари Европага Россия билан энергетика соҳасидаги ҳамкорлик учун жиддий босим ўтказмоқда. Бу ҳақда РИА «Новости» хабар қилди.

«Босим жиддий. Бу биринчи кун рўй бермаяпти. Кўп йиллар мобайнида америкаликлар Европа мамлакатларига сафар қилиб, уларга ким билан ва қандай қилиб энергетика соҳасида ҳамкорлик қилишни айтишмоқда. Бу мутлақо қабул қилинмайдиган сиёсий босимдир», - деди Грушко.

Унинг эслатишича, Европа қарорларни қабул қилишда доимо ўз мустақиллигини маълум қилиб келади.

Эслатиб ўтамиз, аввалроқ Хитой эркин савдо тизимини Россия билан бирга ҳимоя қилмоқчи экани хабар берилганди.

#Россия #АҚШ #Европа