Венгрия Ташқи ишлар вазирлиги раҳбари Петер Сийярто Украина ўз қўшинларини Венгрия билан чегарага кўчириш ниятида экани ҳақидаги хабарларга муносабат билдирди, дея хабар қилмоқда РИА Новости.
Венгрия ташқи ишлар вазирининг маълум қилишича, мамлакат ушбу маълумот тарқалгани туфайли бироз тушунарсиз ҳолатда турибди.
«Улар НАТОга аъзо бўлган давлат билан чегарага ўз қўшинларини кўчираётгани жуда ноодатий ҳолатдир. Бунда қандай маъно бор - сиз улардан сўрашингиз керак, мен жавобни билмайман», - деди Сийярто.
Эслатиб ўтамиз, аввалроқ Венгрия - Украина зиддияти кучайгани, Венгрия таҳдид билан чиққани хабар берилганди.
Венгрия Ташқи ишлар вазирлиги раҳбари Петер Сийярто Будапешт Киевнинг ҳаракатларига худди ўзидек жавоб қайтариши ҳақида огоҳлантирган.
