Самарқандда куппа-кундузи даҳшатли қотиллик юз берди
Самарқанд шаҳрида истиқомат қилувчи 19 ёшли С.Р. ҳамшаҳри, 39 ёшли А.Б.га оғир тан жароҳати етказган. Пичоқ воситасида етказилган жароҳатлардан сўнг А.Б. ҳаётдан кўз юмган, деб хабар беради Kun.uz мухбири.
Kun.uz мухбирининг воқеа жойидан хабар қилишича, 15 октябрь куни С.Р. Сартепа массиви ҳудудидаги «Эркин савдо» мажмуаси яқинидаги автомобиллар эҳтиёт қисмлари дўконида А.Б. билан жанжаллашиб қолгач, унинг танасига ошхона пичоғи билан бир неча жароҳат етказган.
А.Б. жон ҳолатда воқеа жойидан қочиб, ўз ҳаётини сақлаб қолишга уринган, бироқ жаҳл отига минган С.Р. уни қувиб етиб, яна бир неча бор пичоқ урган. Натижада, А.Б.нинг жони узилган.
Даҳшатли қотилликни амалга оширган С.Р.га нисбатан Ўзбекистон Республикаси Жиноят кодексининг 97-моддаси бўйича жиноят иши очилган.
Мавзуга оид
09:54
Самарқандда қизларни Ўмон давлатига фоҳишаликка жўнатган аёлларга суд ҳукми ўқилди
18:26 / 16.09.2024
ИИБнинг шармандали “резултат”и ҳамда “ясалган” жиноят: хаста ва ҳимоясиз аёл қамоққа ташланди
12:16 / 14.09.2024
Самарқандда ОИИБ бошқарувчилар кенгаши йиллик йиғилиши ўтказилади
17:12 / 13.09.2024