Қошиқчи иши. Саудия Арабистонида 18 киши қўлга олинди

Фото: AFP

Саудия Арабистони бош прокурори Сауд ал-Муажибнинг маълум қилишича, саудиялик журналист Жамол Қошиқчининг ўлими бўйича иш юзасидан 18 киши қўлга олинди. Бу ҳақда РИА «Новости» хабар бермоқда.

Ал-Муажиб сўзларига кўра, Қошиқчининг ўлимига алоқадор бўлган барча кишилар жавобгарликка тортилади.

«Қўлга олинганлар билан тергов ҳаракатлари давом эттирилмоқда. Ҳозирги пайтда 18 киши ушланган», - дея айтиб ўтди ал-Муажиб.

Унинг қўшимча қилишича, барча қўлга олинганлар Саудия Арабистони фуқаролари саналади.

Эслатиб ўтамиз, аввалроқ Саудия Арабистони Қошиқчи ҳаётдан кўз юмганини тан олганди.

Тайёрлаган Отабек Матназаров

#Саудия Арабистони #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди