Саудия Арабистони Қошиқчининг ўлимини тасдиқлади

Фото: UPI/Barcroft Images

Саудия Арабистони бош прокурори саудиялик журналист Жамол Қошиқчининг ўлими ҳақида маълум қилди. Бу ҳақда Reuters мамлакат телевидениесига асосан хабар бермоқда.

Мавжуд маълумотларга кўра, Саудия Арабистонининг Истанбулдаги консуллигида жанжал юз берган, бу муштлашувга олиб келган, сўнг Қошиқчи ҳаётдан кўз юмган.

«Қошиқчи иши бўйича дастлабки тергов у ўлик эканини аниқлади», - дейилади хабарда.

Эслатиб ўтамиз, аввалроқ Туркияда Жамол Қошиқчининг жасад қолдиқлари қидирилаётгани хабар қилинганди.

Тайёрлаган Отабек Матназаров

#Саудия Арабистони #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди