Ўзбекистон вице-чемпиони «Пахтакор» Элит Осиё Чемпионлар Лигаси асосий босқичи иккинчи турида ҳам дуранг натижани қайд қилди.
Тошкентликлар 12 октябрь куни ўз майдонида Саудия Арабистонининг «Ал-Қодисия» клубига қарши ўйнади. 35-дақиқада Тижани Рейндерс меҳмонларни ҳисобда олдинга олиб чиққан бўлса, Достонбек Ҳамдамов 89-дақиқада пенальтидан ҳисобни тенглаштирди.
Аввалги турда «Пахтакор» Саудия Арабистонининг яна бир клуби «Ал-Аҳли» (1:1) билан сафарда дуранг ўйнаган эди.
Тошкент клуби ОЧЛ доирасида навбатдаги ўйинни 26 октябр куни сафарда Ироқнинг «Ал-Қувва Ал-Жавия» клубига қарши ўтказади.
Элит ОЧЛ. Ғарб минтақаси. 2-тур
12 октябрь, Тошкент, «Пахтакор» стадиони
ПАХТАКОР (Ўзбекистон) - АЛ-ҚОДИСИЯ (Саудия Арабистони) 1:1
Голлар: Достонбек Ҳамдамов (89 пен) - Тижани Рейндерс (35)
Бош ҳакам: Чой Ҳюн Жаи (Жанубий Корея)
«Пахтакор»: Владимир Назаров, Заид Таҳсин, Муртазо Пуралиганжий (Сардор Собирхўжаев 82), Ҳожиакбар Алижонов, Акмал Мозговой, Башар Ресан (Ойбек Бозоров 77), Абдурауф Бўриев, Шерзод Насруллаев, Фламарион (Достонбек Ҳамдамов 77), Муҳаммадрасул Абдумажидов, Стефен Чинеду (Аймен Ҳусайн 77)
Бош мураббий: Эмилиан Карас (Молдова)
«Ал-Қодисия»: Коен Кастелс, Жиҳод Зикрий, Юлиан Вайгл, Наҳитан Акоста, Мусаб Ал-Жувайр (Муҳаммад Ал-Қаҳтоний 69), Тижани Рейндерс, Педро Гастон, Кристофер Баа (Сулаймон Сани 81), Али Диабате (Ëсир Аш-Шаҳроний 69), Матео Ретеги, Хулиан Киньонес
Бош мураббий: Брендан Рожерс (Шимолий Ирландия)
Огоҳлантиришлар: Акмал Мозговой (33), Али Диабате (62)
