Шавкат Мирзиёев Нгуен Фу Чонгни табриклади

Фото: Wikipedia

Ўзбекистон Республикаси президенти 24 октябрь куни Вьетнам Коммунистик партияси Марказий кенгаши бош котибини табриклади. Бу ҳақда давлат раҳбари матбуот хизмати хабар бермоқда.

Қайд этилишича, Шавкат Мирзиёев Нгуен Фу Чонгни Вьетнам Социалистик Республикаси президенти лавозимига сайлангани муносабати билан қутлаган.

Эслатиб ўтамиз, Вьетнам президенти Чан Дай Куанг 21 сентябрь куни 61 ёшида вафот этди. Таъкидланишича, у узоқ вақт давомида жиддий касалликдан азият чекиб келган, уни даволаш билан маҳаллий ва хорижий мутахассислар шуғулланган.