Трамп Путин билан учрашувини тасдиқлади ва Эрдўғаннинг Қошиқчи иши бўйича фикрига қўшилмади

АҚШ президенти Дональд Трампнинг маълум қилишича, Россия президенти Владимир Путин билан учрашув ноябрь ойида, Биринчи жаҳон уруши якунланганининг 100 йиллигига бағишланган Париждаги тадбирлар доирасида бўлиб ўтиши мумкин. Бу ҳақда РИА «Новости» хабар бермоқда.

«У ҳали ташкиллаштирилгани йўқ, лекин, катта эҳтимол билан, биз учрашамиз», - деди Трамп.

Шунингдек, АҚШ президенти Дональд Трампнинг маълум қилишича, туркиялик ҳамкасби Ражаб Тоййиб Эрдўған саудиялик мухолиф журналист Жамол Қошиқчининг ўлдирилиши бўйича «жуда қаттиқ» изоҳ берди. Бу ҳақда Reuters хабар қилмоқда.

Трамп, шунингдек, Ар-Риёднинг ушбу ҳодисага нисбатан муносабатига баҳо бериб, подшоҳлик ҳукумати баёнотларини «тарихдаги энг ёмон ниқоб», деб атади.

Америка раҳбарининг таъкидлашича, Эрдўғаннинг фикрига қўшилишдан аввал Қошиқчи ўлими ҳақида тўлиқроқ маълумот олишни истайди. Унинг сўзларига кўра, МРБнинг саудиялик журналист билан содир бўлган воқеани суриштирувдан ўтказиш бўйича ҳисоботи яқин вақт ичида тақдим этилади.

Эслатиб ўтамиз, аввалроқ ОАВ Саудия бош консулхонасидаги қудуқдан Қошиқчининг жасади бўлаклари топилганини хабар берганди.