ЙТҲга учраган икки пиёданинг бири вафот этди, яна бири жароҳат олди

Самарқанд туманида шу йил 25 октябрь куни Ургут туманида яшовчи М.Х. ўзининг “Кобальт” русумли автомашинасини “Олмаота-Тошкент-Термиз” йўлининг 1100-км.да ҳайдаб кетаётиб, йўлни кесиб ўтаётган икки нафар пиёдани уриб юборган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада пиёдалардан бири С.Н. жароҳат олиб воқеа жойида вафот этган, иккинчи пиёда Ф.Б. эса тан жароҳати билан касалхонага ётқизилган. 

Ҳолат юзасидан жиноят иши қўзғатилиб, тергов ҳаракатлари давом этмоқда.