Украина Россия портларига қарши санкциялар жорий этишга чақирди

Фото: РИА Новости

Украина инфратузилмалар вазири Владимир Омелян Ғарб давлатларини Россиянинг Қора денгиздаги портларига қарши санкциялар жорий этишга чақирди. Бу ҳақда «Укринформ» хабар қилмоқда.

Омеляннинг сўзларига кўра, АҚШ Давлат департаменти, Европа парламенти ва Европа комиссияси сўнгги баёнотлари Украина расмийларининг иши натижаси ҳисобланади.

«Мен шунга умид қиламанки, реакциянинг кейинги босқичига Россиянинг Қора денгиздаги портларига нисбатан санкциялар жорий этиш айланади», - дея маълум қилди вазир.

Эслатиб ўтамиз, аввалроқ Украина бош вазири ўринбосари Беларусдаги форумда рус тилида гапирмасликни сўраганди.

#Россия #Украина #санкция