Дешам Гризманн ва Мбаппе ўртасидаги рақобат ҳақида гапирди

Франция терма жамоаси бош мураббийи Дидье Дешам иккита етакчи - Антуан Гризманн ва Килиан Мбаппе муносабатлари қандай эканини айтди.

«Мбаппе ва Гризманн ўртасида рақобат йўқ, улар бир-бири билан кимўзар ўйнамоқчи эмас. Ҳар иккаласи ҳам навбати билан ўзини намоён қилмоқда, баъзан эса биргаликда. Улар жамоа учун вазиятларни яратиш ва гол уришга интилмоқдалар. Улар ўртасида рақобат йўқ», - деб Дешам сўзларини келтирмоқда L`Equipe.

Қайд қилиш жоизки, Гризманн Франция терма жамоаси сафида 65 та ўйинда майдонга тушиб, 26 та гол урган. Мбаппе 26 та ўйинда рақиб дарвозасини 10 марта ишғол қилган.