Хорижий инвестициялар иштирокидаги корхонани рўйхатдан ўтказиш 3,2 баравар арзонлашди

Хорижий инвестициялар иштирокидаги корхоналарни рўйхатдан ўтказганлик учун янги давлат божи ставкалари режалаштирилганидан кўра кўпроқ камайтирилди, деб ёзмоқда Norma.

Эслатиб ўтамиз, илгари Адлия вазирлиги, Иқтисодиёт вазирлиги ва Давлат рақобат қўмитасининг чет эл инвестициялари иштирокидаги корхоналарни давлат рўйхатидан ўтказиш учун давлат божи миқдорини 3 бараварга камайтириш ҳақидаги таклифи маъқулланган эди.
 
Қабул қилинган ҳужжат билан мазкур таклиф қонунчиликка узил-кесил татбиқ этилди. Давлат божи миқдори режалаштирилганидан кўра кўпроқ, 32 ЭКИҲдан 10 ЭКИҲгача ёки 3,2 бараварга камайтирилди. Илгаригидек, онлайн рўйхатдан ўтганда ставка икки баравар камайтирилади ва атиги 5 ЭКИҲни ташкил этади. 
 
Ҳужжат 28.11.2018 йилдан кучга кирди.