Германияда олтин тангалардан тайёрланган Европадаги энг қиммат арча ўрнатилди

Фото: AP Photo / Matthias Schrader

Германиянинг Pro Aurum компанияси Австрия зарбхонаси билан ҳамкорликда Мюнхенда қиймати 2,3 миллион евролик Европадаги энг қиммат рождество арчасини ўрнатди.

Арчанинг баландлиги 3 метрга яқин бўлиб, акрил пирамида кўринишида. У 2018 дона Wiener Philharmoniker олтин тангалари билан безатилган. Арчанинг қиймати 2,3 миллион еврони ташкил этади.

Арча компаниянинг Мюнхендаги офисида 15 декабргача туради. Қайд этилишича, у туну кун қўриқлов остида бўлади.