Қизилўрда вилоятида сўнгги бир неча кун ичида қутқарувчилар 43 кишини, шу жумладан, Ўзбекистоннинг 35 нафар, Қирғизистоннинг саккиз нафар фуқаросини эвакуация қилишди.
Қозоғистон Ички ишлар вазирлигининг Фавқулодда вазиятлар бўйича қўмитаси матбуот хизмати хабарига кўра, 1 декабрь куни Қирғизистоннинг 8 нафар фуқароси бузилиб қолган «Газель» автомашинасидан қутқарилган, улар Саришаған посёлкасидаги дам олиш уйига олиб кетилган.
5 декабрь куни эрталаб Қарағанда вилояти ҳудудидаги «Саришаған» автомобиль йўлида жойлашган тиббий-қутқарув пунктига Олмаота-Екатеринбург трассасида ичида 51 нафар йўловчи бўлган автобус бузилиб қолгани ҳақида хабар келиб тушган. Барча йўловчилар - Ўзбекистон Республикаси фуқаролари - шифокорлар кўригидан ўтказилди, 35 киши Саришаған темир йўл вокзали биносига эвакуация қилинди, 16 киши ҳайдовчи билан бирга яқин орадаги кафега жойлаштирилди.
Вазирлик маълумотларига кўра, ҳозирги кунда Қозоғистон ҳудудида 40та йўл пункти ишламоқда. Қишки давр бошланганидан буён 60дан ортиқ киши қутқарувчилар томонидан эвакуация қилинди.
