Жиззахда иситиш печидан сизиб чиққан газ туфайли бир оиланинг 5 нафар аъзоси заҳарланди

Иллюстратив фото

Жиззах вилоятининг Пахтакор туманида шу йилнинг 7 декабрь куни кўнгилсиз воқеа юз берди, деб хабар қилмоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

Қайд этилишича, Боғишамол МФЙда яшовчи Ҳ.Э. уйида иситиш печидаги табиий газни чала ёниши оқибатида ўзи ва бирга яшовчи турмуш ўртоғи Г.И., ўғли К.М., укаси Ҳ.Э. ҳамда келини Н.Т. заҳарланган.

К.М. касалхонага ётқизилиб, Ҳ.Э., Г.И., Ҳ.Э. ҳамда Н.Т.га тиббий ёрдам кўрсатилган.

Суриштирув ишлари олиб борилмоқда, дейилади хабарда.

Эслатиб ўтамиз, аввалроқ Ўзбекистонда яна саккиз киши ис газидан заҳарлангани хабар қилинганди.