Трампнинг 14 нафар тарафдори сайлов кампанияси вақтида россияликлар билан учрашган - WP

Фото: Leah Millis/Reuters

АҚШ президенти Дональд Трампнинг камида 14 нафар тарафдори 2016 йилги сайлов кампанияси давомида ва Трампнинг лавозимга киришиши пайтида россияликлар билан учрашган. Бу ҳақда The Washington Post хабар бермоқда.

Россиялик фуқаролар билан учрашув ўтказганлар орасида Қўшма Штатлар президентининг фарзандлари Иванка Трамп ҳамда кичик Дональд Трамп, унинг куёви ва маслаҳатчиси Жаред Кушнер, адвокати Майкл Коэн, шунингдек, эски сиёсий маслаҳатчиси Рожер Стоун бўлган.

«Россия иши» бўйича прокурор Роберт Мюллернинг маълумотларига кўра, баъзи россияликлар Трампнинг тарафдорларига Россия ҳукумати томонидан кампания қўллаб-қувватланиши борасида таклиф билан чиқишган.

Эслатиб ўтамиз, аввалроқ Трамп АҚШ собиқ давлат котиби Рекс Тиллерсонни анқов ва дангаса деб атаганди.