«МЮ» раҳбарияти Погбага трансфер бўйича ўз қарорини айтди

«Манчестер Юнайтед» январда Поль Погбани трансферга қўйишни режалаштирмаяпти.

Инглиз матбуотида тарқалаётган хабарларга кўра, раҳбарият Погба ва бош мураббий Жозе Моуриньо ўртасидаги зиддиятга қарамай, уларнинг ҳар иккисини ҳам сақлаб қолмоқчи. Мутасаддилар шундай ниятда эканликлари ҳақида футболчини хабардор қилишган.

Эслатиб ўтамиз, Моуриньо куни кеча Полнинг салоҳияти юқори эканини айтиб, уни мақтаган эди. Франциялик яримҳимоячига «Ювентус» ва «Барселона» қизиқиш билдирмоқда.