Фото: aa.com.tr
Покистон олий суди Фатҳуллоҳ Гуленга қарашли FETO ташкилотини террорчилик ташкилоти деб тан олиш тўғрисида қарор чиқарди. Бу ҳақда Anadolu агентлиги хабар берди.
Қарорга кўра, Гулен ҳаракатига тегишли бўлган Покистондаги барча мактаблар Туркия “Маориф” давлат фонди ихтиёрига берилади.
2016 йил 15 июлда Туркияда бир гуруҳ ҳарбийлар давлат тўнтаришини амалга оширишга уринганди. Анқара ушбу давлат тўнтаришини тайёрлашда АҚШда яшаб келаётган Фатҳуллоҳ Гулен ва унинг FETO ташкилотини айбламоқда ҳамда уни Туркияга беришни сўрамоқда.
