Президент Шавкат Мирзиёев Хитойнинг Тибет мухтор туманидаги Шигадзе шаҳар округида юз берган кенг кўламли кўчки ва сув тошқини оқибатида кўплаб инсонлар ҳалок бўлгани, жароҳатлангани ҳамда катта иқтисодий талафот кўрилгани муносабати билан Хитой раиси Си Жинпингга ҳамдардлик йўллади.
Давлат раҳбари вафот этганларнинг оила аъзолари ва яқинларига чуқур таъзия изҳор этиб, жароҳат олганларнинг тез фурсатда соғайиб кетишини тилади.
Шунингдек, Шавкат Мирзиёев Непалнинг Тибет билан чегарасида юз берган кучли сув тошқини оқибатида кўплаб инсонлар ҳалок бўлгани, жароҳатлангани ҳамда катта талафот кўрилгани муносабати билан Непал президенти Рам Чандра Пауделга ҳамдардлик йўллади.
Давлат раҳбари вафот этганларнинг оила аъзолари ва яқинларига чуқур таъзия изҳор этиб, жароҳат олганларнинг тез фурсатда соғайиб кетишини тилади.
Шу билан бирга, Шавкат Мирзиёев Исломобод шаҳридаги тиббиёт муассасасида содир бўлган кучли ёнғин оқибатида кўплаб болалар ҳалок бўлгани ва жароҳат олгани муносабати билан Покистон президенти Осиф Али Зардорий ва Бош вазири Шаҳбоз Шарифга ҳамдардлик йўллади.
Давлат раҳбари ҳалок бўлган болаларнинг оила аъзолари ва яқинларига чуқур таъзия изҳор этиб, жароҳатланганларнинг тез фурсатда соғайиб кетишини тилади.
